UNION OF INDIA & ORS. versus SHRI HANUMAN INDUSTRIES & ANR.

Citation: [2015] 6 S.C.R. 302 · Decided: 08-05-2015 · Supreme Court of India · Bench: M.Y. EQBAL · Disposal: Appeal(s) allowed

Judgment (excerpt)

Jingpynshai 
Ki rai ne ki hukum ba la pynkylla sha ka ktien Khasi ki long tang ban shu 
sngewthuh ki nongpule ha ka ktien tynrai. Ym lah ban shim ne pyndonkam 
ïa ki na ka bynta kano kano ka jingthmu. Lada donkam ban pyntreikam ïa 
kine ki rai na ka bynta kano kano ka jingthmu, ki rai ne ki hukum ba la thoh 
ha ka ktien phareng kin ïeng kum kiba lah ban shim ne pyndonkam ban 
ïoh ïa ka jingmut ba shisha. 
 
[2015] 6 S.C.R. 302 
UNION OF INDIA 
pyrshah 
SHRI HANUMAN INDUSTRIES & ANR. 
 
(Civil Appeal No.3962 of 2011) 
 
JYMMANG 08,2015 
[M.Y.EQBAL AND AMITAVA ROY KI NONGBISHAR BADON BUROM.] 
 
Ka Aiñ Synshar khadar : Ka jingkhanglad da ka aiñ ïa ka jingbymbat ïa ka kular 
(Promissory estoppel) – Ka scheme ban ai jingïarap pisa kum ka jingkyrshan ïa ki 
Karkhana ba dang sdang – Ki Nongshahmudui ki thep kyrteng ban ïoh jingïarap lyngba 
kane ka scheme – Ka jingkyntait jong ki Nongmudui ban ai jingïarap pisa ïa ki 
Nongshahmudui kiba wad jingïarap hapoh kane ka scheme. Da kiwei pat ki kynhun 
kiba thep kyrteng kiba don ki jingsngewsih kiba ïasyriem, ki pynrung mukotduma ban 
pan hukum na ka Ïingbishar ha kaba ka Ïingkashari ba ha khliehduh ka jylla (High 
Court) ka bthah ïa ki bor ba pyntreikam ban pynïaid shakhmat ïa ki aplikashon jong ki 
nongthep kyrteng ban ïoh ïa ki jingmyntoi – Ka Ïingkashari ba ha khliehduh ka Ri India 
ka la pynksan ïa kata ka hukum – Ki nongshahmudui ruh ki pynrung ïa ki mukotduma 
(writ petition) ban pan hukum na ka Ïingbishar halor kajuh ka nongrim ïa kaba la shah 
kyntait noh da ka hukum u Nongbishar ba marwei jong ka Ïingkashari ba ha khliehduh 
ka jylla halor ka nongrim ba la pynrung slem palat ïa ka mukotduma bad katkum ka 
aiñ ym don nongrim shuh ban dang khmih lynti ban ïoh jingïarap na ka daw ka 
jingbymsalia jong ki ban wad jingïarap ha ka por kaba biang (delay and laches). – Wat 
la katta ruh ka kynhun ki arngut ki Nongbishar jong ka Ïingkashari ki la bthah ïa ki bor 
ba pyntreikam ban pynïaid shakhmat ïa ki aplikashon halor ka jingpeit ïa ka Rai ba 
hashuwa – La rai: Ki Nongshahmudui na ka daw ka jingbymwad jingïarap khnang jong 
ki ha ka por ba biang, ka jingbymsalia bad jingbymleh ei ei ki la pynduh ïalade ïa ki 
hok ban ïoh jingmyntoi na ka rai ha ka mukotduma kaba mynshuwa – haba phai sha 
ki jingshisha bad ki jinglong bamarwei bad ki jingjia, kam long kaba biang ne kaba 
sngewdei, na ka bynta ka jingsiew ïa ka pisa paidbah ba la lum da ka sorkar  (public 
exchequer) ba yn pdiang ïa ka jingdawa ba palat por jong ki Nongshahmudui tang 
halor ka nongrim jong ka jingkhanglad da ka aiñ ïa ka jingbymbat ïa ka kular ha kaba 
kam don jingïadei ei ei bad kane ka mukotduma kaba mynta – Ka jingpynrung slem 
palat ïa ka mukotduma bad ka jingbymsalia ban wad jingïarap ha ka por kaba biang 
(Delay and laches). 
La shah ïa ka jingkyrpad, ka Ïingbishar 
 
LA RAI: 1. Ki nongmudui mukotduma ban pan hukum na ka Ïingbishar 
(writ petitioner) ha ka sien bishar kaba mynshuwa ki la long ki nongthep kyrteng 
na ka bynta kajuh ka scheme kaba ki nongshahmudui ki thep. Ki la leit mardor 
sha ka ka Ïingkashari ba ha khliehduh ka jylla kum shikynhun ki nongmudui ïa 
ki mukotduma pan hukum na ka Ïingbishar (writ petition) ha u snem 2007 hi bad 
la ai jingmyntoi ïa ki ryngkat ka jingbthah ïa ki bor ba pyntreikam ïa ka scheme 
ban bishar ïa ki aplikeshon ban ïoh ïa ka subsidy katkum ka aiñ. La kubur ba ki 
Nongshahmudui ki jied ban ym ïasnohkti lang bad ki, pynban ym slem hadien 
ba kane ka Ïingbishar ka la pynskhem ïa katei ka rai haneng ha ka 01-05-2009, 
ba kin sa kam kynti lang ha ka 27-08-2009. Kumta ka la paw shai bha, ba la don 
ka jingpynslem ba palat ïa ka arsnem ha kaba la pynslem ïa ka jingïaleh pyrshah 
jong ki nongshahmudui. Ka la long kaba la dep ban buh ha ka jingthoh, ba da 
ka shithi/jingpynbna ba 04-05-2010 ba la pynmih da ka u Secretary ka Ministry 
jong ka DONER, NEC, Shillong ba la pynskhem ïa ka rai jong ka jingweng noh 
bad ka jingpynkut ïa ka SPINE naduh ka 23-02-2007, la dep pynbna. Namarkata 
ïa ka scheme SPINE la weng noh bad/lane la khang ha bad naduh ka 23-02-2007. 
Da ka shithi ba 01-10-2007, na kane ka daw la shim kum ka sienjam, ba ki 
jingtyrwa kiba la sahkut khlem da ïoh ban pyntreikam katkum ki rukom treikam  
jong ka scheme ba dei ban bud la pynphai noh sha ki Sorkar Jylla. Ki thup 
kyrteng jong kiba dei ban ïoh katkum kine ki jingtyrwa ïa kiba la pynphai noh la 
kubur hi ba ki kynthup ïa kito kiba napdeng kiwei pat, kidei ki nongshahmudui. 
Kaei kaba paw na kane ka jingpynb

Excerpt shown. Read the full judgment & AI analysis in Lexace.