LexRAJU PREMJI versus CUSTOMS NER SHILLONG UNIT
Open in Lexace · Ask the AI about this caseJudgment (excerpt)
Jingpynshai Ki rai ne ki hukum ba la pynkylla sha ka ktien Khasi ki long tang ban shu sngewthuh ki nongpule ha ka ktien tynrai. Ym lah ban shim ne pyndonkam ïa ki na ka bynta kano kano ka jingthmu. Lada donkam ban pyntreikam ïa kine ki rai na ka bynta kano kano ka jingthmu, ki rai ne ki hukum ba la thoh ha ka ktien phareng kin ïeng kum kiba lah ban shim ne pyndonkam ban ïoh ïa ka jingmut ba shisha. [2009] 7 S.C.R. 839 RAJU PREMJI PYRSHAH CUSTOMS NER SHILLONG UNIT Criminal Appeal No. 1647 of 2007 JYMMANG. 6, 2009 [U S.B. SINHA BAD U R.M. LODHA, KI NONGBISHAR BADONBUROM] Narcotic Drugs and Psychotropic Substance Act, 1985 (Ka kot aiñ jong u snem 1985 kaba ïadei bad ki jingdih pynbuaid ba long beaiñ kiba ktah ïa ka jingsngew bad jingmut jingpyrkhat jong u briew) Ki kyndon aiñ synrop ba 21, 28 bad 29 – Ka rai pynrem hapoh, ba la pynshong nongrim halor ka jingphla ba la leh ha ïingbyndi pulit hadien ka jingshahkem. – LA RAI: Ka jingrai pynrem kam long kaba shongñia namar ïa ki jingteh kyndon ba la buh hashuwa ban shim ïa ka sienjam ban leh ïa kaei kaei kaba tyngeh hapoh ka Aiñ, ym shym la bud satia – ym shym la ïoh satia Ïa ka jingaibor ban phah khynra – Ka jingtalasi ïa u ‘briew’ ka long kaba khlem ïaid katkum ka jingdonkam ba la buh ha ka kyndon aiñ ba 50 – Ym sngew shongñia na ka liang ki pulit ban phah ïa ka mukotduma sha ki bor ba dei peit jong ka tnat Custom – Ym shym la ai ïa ka kot ban phah wan hajir ïa ki – Ki nongmudui ki don hapdeng ka jingshah kem bad shah set ha Ïingbyndi pulit bad namarkata kino kino ki jingbatai ktien (statement) ba ki la ïathuh ha ka por ba shah set ha ïingbyndi pulit kin long ki bym lah ban pdiang kum ki sabut hapoh ka kyndon aiñ ba 26 jong ka Evidence Act (ka kot aiñ kaba iadei bad ki sakhi sabut) – Ha kaba ïadei bad ki jingshisha bad jinglong jingman jong ka mukotduma, ïa ka jingphla ym lah ban ong ba ki nongmudui kin leh da ka mon sngewbha jong ki hi – Namar ym shym la lap ïa ki ba ki don ïa ki mar beain ba la wanrah nabar jylla, ïa ki sakhi satar pyrshah ïa ki kan ym hap shuh halor jong ki – Ka Evidence Act, 1872 – ka kyndon aiñ ba 26. Ka mukotduma ba dang shah tian bishar ka long ba, ka kynhun pulit ka la ïoh jingtip ba ki briew kiba la shah kynnoh ki don ïa ki drok ha ka met jong ki. Ka kynhun pulit ka la leit ban kem ïa kita ki briew kiba la shah kynnoh bad leit rah ïa ki ha ka ophis treikam jong u Superintendent jong ki pulit. Haba la talasi ïa ka met jong ki ym shym la lap ei ei ruh em. Ki la shah kylli jingkylli bad dei hangta ba ki la kynnoh ha ka jingphla jongki ba ki drok ki don bad u nongshah kynnoh ba 1. Ka kynhun pulit ka la pyntip sha ki ophisar jong ka tnat Custom. Ïa ki nongmudui la shimti da ki ophisar pulit bad la aiti pat ïa ki sha ki ophisar ka tnat Custom. Ki nongshah kynnoh ki la ai ïa ka jingbatai ktien jong ki hapoh ka kyndon aiñ ba 67 jong ka NDPS Act. La ujor da ka ehajar ha ka sngi ka babud. Baroh kita ki briew kiba la shah kynnoh ki la shah kem bad ki la hap ban shah kylli jingkylli shuh shuh, bad baroh arngut ki nongmudui ki la ai ïa ka jingbatai ktien jong ki. Hadien kata la leitrah ïa ki hakhmat u Magistor. Ki briew kiba la shah kynnoh ki la len noh ïa kaei kaba ki la phla. Ka Ïingtian bishar ka la rai pynrem ïa ki hapoh ka kyndon aiñ ba 21, 28 bad 20 jong ka Narcotic Drugs and Psychotropic Substance Act, 1985. Ka Ïingkashari High Court ruh ka la pynskhem ïatei kajuh hi ka rai. Kumta la mih kane ka mukotduma jingkyrpad. La kyntait na ka liang ki nongmudui ba ki la ai ïa kitei ki jingbatai ktien hakhmat ki ophisar pulit ba la shah pynkup bor, ha ka por ba ki don ha ïinbyndi jong ki bad namarkata ïa katei ka juh la pynhap hapoh ka kyndon aiñ ba 26 jong ka Evidence Act, 1872. Haba shah ïa ki jingkyrpad, ka Ïingbishar LA RAI : 1. Ka kot aiñ Narcotic Drugs and Psychotropic Substance Act, 1985 ka ai ïa ka jingpynshitom kaba tyngeh. Haba ka aiñ ba la pynlong da ka Ïingdorbar thawaiñ (Statute) ka pynkup ïa ka bor kaba khlaiñ bad ka buh da ki kyndon jingaibor ba pyrkhing kynthup ïa ka jingai jamin, te ïa ki jingteh kyndon ba la don la dei ban da bud pyrkhing bha. 2. Ki bor pulit ki la ïoh ïa ka jingtip. Ïa ki ophisar pulit la pynkup da ka bor ophisar hapoh ka jingmut jong ka kyndon jingaibor (provision) jong ka NDPS Act. Ki la dei ban ai da ka jingthoh kaba biang khnang ba kin ai jingtip ïa ki ophisar kiba halor, halor katei ka phang. Ym shym la ïoh ïa ka hukum ne jingbit b
Excerpt shown. Read the full judgment & AI analysis in Lexace.